Maxkamadda Degmada Kismaayo ee Jubbaland ayaa soo saartay warqad amar soo qabasho oo ah Madaxweynaha Soomaaliya Xassan Sh. Maxamuud. Maxkamadda ayaa sheegtay in uu Madaxweyne Xassan Sheekh ku eedaysanyahay falal dambiyeedyo ka dhan ah Wadajirka Soomaaliya.
Amarka Maxkamadda maamulka Jubbaland ayaa ku soo beegmaysa xilli maanta ay Maxkamadda Gobolka Banaadir ka soo baxday warqad amar soo qabasho oo ah Madaxweynaha Maamulka Jubbaland Axmed Madoobe oo ay sheegtay Maxkamaddu in uu ku eedaysanyey falal dambiyeedyo ka dhan ah Wadajirka Soomaaliya.
